Djali i i ish- kryeparlamentares Jozefina Topallit, Genar ka konfirmuar lidhjen me ish- Miss-in shqiptar Cindy Marina, vajzën me origjinë nga Shkodra siç edhe vetë i riu.
Gazetarja sportive postoi një foto krah Genar Topallit në rrjetin social Instagra, ku duken shumë të lumturur, dhe e shoqëroi me një emoji zemre.
Imazhi është ripostuar nga djali i Jozefina Topallit, duke konfirmuar kështu thashethemet se janë në një romancë.
Lidhja e Genar Topallit me volejbollisten shkodrane u zbulua nga mediat në muajin korrik të vitit të kaluar.
Paparazzi i fotografoi për herë të parë së bashku në një restorant në Vlorë ku mendohet se kishin shkuar për pushime.
Dyshja nuk reaguan pas publikimit të lajmit dhe në intervista të ndryshme, Cindy Marina nuk e mohoi por as nuk e pohoi lidhjen me Genar Topallin.
“Unë vetë kurrë nuk kam folur për jetën time, edhe në Instagram s’kam postuar asgjë. Kam vendosur që s’do flas derisa ta ndjej vetë. Lajmet mund të dalin, unë nuk po vërtetoj gjë, as nuk e mohoj dhe as nuk e pohoj. Derisa të postoj diçka, ju do e dini nga unë”, tha ajo në një intervistë për Abc News.
Cindy Marina u zgjodh si prezantuese e Serie A në Shqipëri dhe Kosovë në gusht të vitit të kaluar.
