Reshjet e ditëve të fundit krijuan mjaft probleme në Bashkinë e Shkodrës. Ndërsa në qytet, pati rrëzime të pemëve dekorative, në nësitë administrative, pati rrëshqitje dheu dhe gurësh në rrugë. Më problematike ishte situata në rrugën e Dukagjinit, që lidh njësitë administrative në zonën më malore me qytetin e Shkodrës. Nga sot rruga është hapur, falë ndërhyrjes së menjëhershme të Bashkisë së Shkodrës. Lajmi është bërë publik përmes një postimi në faqen zyrtare në Facebook të Bashkisë së Shkodrës, shoqëruar edhe me disa foto ku shihet gjendja e krijuar pas rreshqitjes së dherave dhe gurëve.
POSTIMI I BASHKISË SHKODËR NË FACEBOOK
Brenda një kohe të shkurtër, është bërë e mundur që të zhbllokohet rruga e Dukagjinit, e cila lidh qytetin me zonën më malore të Bashkisë së Shkodrës.
Për disa ditë me rradhë, u angazhuar mjete të rënda si fadroma, kamionë dhe fuqi punëtore. Qarkullimi i mjeteve, njerëzve dhe mallrave, mund të vazhdojë normalisht.
Kjo rrugë u bllokua si pasojë e motit të keq dhe shirave që shkaktuar rrëshqitje dheu dhe gurësh në trupin e saj. /ShkodraWeb Media/
