Alpet Shqiptare dhe ajo çfarë ato mund të ofrojnë për turistët vendas dhe të huaj, tashmë janë të aksesueshme nga të gjithë. Në një takim të organizuar në zyrën e kryetares së Bashkisë Shkodër Voltana Ademi, janë prezantuar 3 faqe interneti për Alpet Shqiptare, Nikaj- Merturin dhe Shkrelin. Në hapje të takimit, ka përshendetur kryebashkiakja Ademi e cila ka vënë theksin në rëndësinë e turizmit malor dhe nevojën e promovimit të tij.
Një fjalë të shkurtër lidhur me projektin dhe impaktin e tij në zhvillimin e turizmit malor, e ka bërë përfaqësuesja e GIZ Shpresa Smajli, e cila më pas ia ka dhënë fjalën personave që kanë përgatitur websitet promovuese por edhe brandbook-un përkatësisht Julian Demetit dhe Gjergj Bullari. Në fund, është prezantuar edhe aplikacioni i cili mund të shkarkohet tashmë edhe për iPhone dhe Android.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
