“Shoqëritë paralele, islami politik dhe ekstremizmi nuk kanë vend në Austri”, tha kancelari konservator Sebastian Kurz në një konferencë shtypi qe mbajti në Vienë.
Mediat e huaja raportojne lajmin per nje vendim qe do te pasohet me debat te madh per mbylljen e 7 xhamive ne Vjene dhe debimin e nje imami, nderkohe qe ne plan duket se jane vene se paku 60 predikues.
Asociacioni i pakicave që menaxhon këto xhami me predikime të afërta me selefizmin – bashkësinë fetare arabe – do të shpërbëhet, njoftoi qeveria.
Nderkohe ministri i Brendshëm, Herbert Kickl ultranacionalisti, u tha gazetarëve se deri në 60 predikues mund te deportohen me familjet e tyre. Ka dyshime sipas tij se imamet marrin fonde nga jashte ne shkelje te ligjit austriak.
Kjo është hera e parë që ligji i miratuar në vitin 2015 ndalon çdo financim të huaj të predikuesve dhe vendeve myslimane të adhurimit për të kufizuar ndikimin e huaj mbi komunitetin islamik austriak.
“Në Austri ekziston liria fetare”, tha zëvendëskryetari i Austrisë, udhëheqësi ultra-nacionalist Heinz-Christian Strache. “Kjo është arsyeja pse është e rëndësishme që ky parim të mos përdoret për indoktrinimin politik”, shtoi ai, duke theksuar se “ky eshte vetem fillimi”.
Në Austri ka rreth gjysmë milioni myslimanë – shumica me prejardhje turke dhe boshnjake – që përfaqësojnë gjashtë përqind të popullsisë së një vendi me shumicë katolike.