FOTO/ Permbyset kamioni me patate, shoferi shkodran perfundon ne spital

Një aksident ka ndodhur në aksin Librazhd-Elbasan, ku një kamion ka dalë nga rruga dhe është përmbysur. Ngjarja ka ndodhur në fshatin Labinot Fushë, ndërsa kamioni transportonte patate.

Mjeti kamion me targë AA 437 KJ drejtuar nga P.P. 63 vjeç, banues në Shkodër, ka dalë nga rruga dhe është përplasur në anë të saj. Nga ky aksident ka mbetur i lënduar drejtuesi i automjetit, i cili është dërguar në spitalin kirurgjik të Elbasanit.

Sipas mjekëve ai ndodhet jashtë rrezikut. Policia po heton shkaqet e aksidentit. /joq/