Pa kaluar muaji nga protesta e parë, caktohet data për protestën e dytë për rrugën e Dukagjinit, e cila kërkohet të ndërtohet. Lajmi është bërë i ditur përmes postimeve në rrjetet sociale.
Bëhet me dije se ditën e sotme është zhvilluar një takim, i përcaktuar si Kuvendi i Dukagjinit, me përfaqësues nga të gjitha zonat e kësaj krahine, e cila është e ndarë gjeografikisht në mes bashkisë Shkodër, Malësi e Madhe dhe Vau Dejës.
Mbledhja ka vendosur që protesta të zhvillohet me datë 12 mars 2023, ndërsa në ditët në vijim pritet të bëhen me dije modalitetet e organizimit të saj dhe itinerari që do të ndiqet.
Me 20 shkurt 2023, protesta e parë nisi para bashkisë Shkodër, për të vijuar me një ndalesë para prefekturës së Shkodrë, marshim në pedonale dhe ndalesa e fundit pranë memorialit të Nënë Terezës ku u ndezën qirinj në nderim të viktimave të rrugës së Dukagjinit.
