Kryeministri Edi Rama ka publikuar një foto të punonjësve të Bashkisë së Tiranës që kanë filluar pastrimin e mureve të Kryeministrisë. Me anë të një postimi në Instagram, kryeministri ka ironizuar opozitën, e cila njollosi me bojë të zezë dhe domate muret e Kryeministrisë. Me një postim në Twitter, shefi i qeverisë ka bërë një paralelizëm në mes asaj që bën opozita me atë që bën mazhoranca që ai drejton.
“Ata prish e ne ndreq, ata ndot e ne pastro, ata klith e ne fito”, shkruan Rama.
Ndërkohë kujtojmë se mbrëmjen e djeshme, protestuesit në shenjë revolte përveç se gjuajtën drejt godinës së Kryeministrisë me bojë, kapsolla, domate dhe lakra, fermerët derdhën qumësht.
