Pak orë pas përfundimit të protestës së rradhës të opozitës së bashkuar, lideri i PD-së Lulzim Basha shprehet i vendosur por edhe mjaft optimist. Kryedemokrati Basha ka publikuar pamjet e protestës së djeshme që i interpreton si fundi i qeverisë-bandë të kapur duke vjedhur zgjedhjet. Në një postim në “Twitter”, Basha shkruan se nuk ka kompromis me ëndrrën, Shqipëria si gjithë Europa. Po ashtu, ai ka folur edhe për standarte europiane për zgjedhje të lira, drejtësi dhe ekonomi të lirë.
“Ky është fundi i qeverisë-bandë të kapur duke vjedhur zgjedhjet me kriminelët, kërcënimi nr.1 për demokracinë, sigurinë, mirëqenien. Nuk ka kompromis me ëndrrën tonë ‘E duam Shqipërinë si gjithë Europa’, me standardet europiane për zgjedhje të lira, drejtësi dhe ekonomi të lirë!”, shkruan Basha.
