Rënia e Vllaznisë në Kataegorinë e Parë, tronditi të gjithë sportdashësit shkodranë dhe opinionin sportiv. Në Shkodër mbizotëron trishtimi dhe dita e sotme është shpallur “ditë zie”. Nuk ka munguar as “humori i zi”, në një vend në qendër të qytetit ku vendosen lajmërimet e vdekjeve, ku kanë ngjitur një njoftim “therës” ku lajmërohej vdekja e klubit shkodran.
“Me hidhërim jo të madh njoftojmë se vdiq KF Vllaznia, vjeç 99. Njoftojmë vizita ditën e diele datë 27.05.2018 (me shpërblime). Me respekt nga Presidenca, Bordi drejtues dhe futbollistët”, shkruhej në lajmërimin e vdekjes.
Një gjetje aspak e veçantë, hidhëruese dhe dashakeqe. Vllaznia nuk ka vdekur dhe nuk do të vdesë. Edhe kur të mos jenë ata që sot kanë vendosur atë “njoftim vdekje”, Vllaznia do të jetë. Nuk është hera e parë por e treta që Vllaznia bie nga ketegoria. Madje këtë herë, bie pas një lëngate 7 vjeçare. Është e kotë të kujtojmë ekipet shqiptare dhe të huaja që kanë rënë nga kategoria. E mirëpritur sot nuk shtë të gëzohemi për “funeralin” e Vllaznisë dhe as të bëjmë “humor të zi” me të. Sot, kur jemi para një fakti të kryer, Vllaznia ka nevojë për mbështetje. Si në dorën e Bashkisë, privatit apo Bashki- privatit, nuk duhet të mungojë mbështetja. Të paktën kështu bëjnë tifozët në shtetet e tjera: kur ekipi është në situatën më të vështirë të mundshme, ai duartrokitet!
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
