FRESSH feston 31 vjetorin e krijimit. Është organizata rinore e Partisë Socialiste dhe një nga shtyllat më të rëndësishme të saj jo vetëm në fushata elektorale.
Festa është zhvilluar edhe në Shkodër, në një nga lokalet e qytetit, me praninë edhe “të rriturve” si deputetët Benet Beci dhe Elisa Spiropali, prefektja Majlinda Angoni, bashkëkryetarët e PS Mirala Dodaj dhe Hilmi Lakti etj.
Ka qenë një atmosferë festive e cila duket se ka përfshirë edhe deputetin Benet Beci, i cili në një publikim në faqen e tij zyrtare në Facebook shkruan: “Energji, guxim, shpresë! Gëzuar 31 vjetorin Fressh!”.
FRESSH, si pjesë e PS- së, këto 31 vite ka qenë një fidanishte që ka identifikuar e përgatitur mjaft politikanë e shtetarë të Shqipërisë në vite. Mes tyre, veçohen emra të tillë si Ilir Meta e Pandeli Majko, me poste të rëndësishme shtetërore.