Foto/ Arrestohet shqiptari, me 30 pako droge ishte nisur drejt Italise

Një 32-vjeçar shqiptar është arrestuar ditën e sotme në Igumenicë, pasi ka tentuar të trafikojë drejt Italisë mbi 23 kilogramë marijuanë. Lënda narkotike është gjetur gjatë një kontrolli të ushtruar në mjetin e tij, teksa ndodhej në portin e Igumenicës, në përpjekje për të udhëtuar drejt Italisë. Nga kontrolli ka rezultuar, se 32-vjeçari shqiptar kishte fshehur në makinën e tij lëndën narkotike të ndarë në 30 pako dhe me peshe totale 23 kg 450 gramë. Gazetarja Shpresa Dine raporton se arrestimi i shqiptarit dhe sekuestrimi i lëndës narkotike u realizua gjatë operacionit të zhvilluar me ndihmën e qenit të policisë në Igumenicë të quajtur “K9”.