Partia Demokratike ka hyre tashme ne fazen e ristrukturimit. Ne forme vertikale, nga qendra ne baze, ky ristrukturim do te preke edhe Shkodren, nje nga deget me te forta te demokrateve dhe bastion tradicional. Burime te besueshme i thane ShkodraWeb se tanime fushata per kryetar te deges ka nisur. Individe te vecante, te cilet mendojne se kane mbeshtetjen e deputeteve shkodrane por edhe te qendres, kane nisur lobimin. Sekretari aktual i deges, Aleksander Marleci duket se do te jete nje kandidature per kreun e deges se Shkodres. Madje, burimet qe folen per ShkodraWeb thane se ai ka nisur lobimin me takime te shpeshta me strukturat, per shkak edhe te pozicionit aktual. Mesohet se Marleci ne kete rrugetim qe sapo ka nisur, ka marre edhe “bekimin” e ish- kryebashkiakut Lorenc Luka aktualisht deputet ne Kuvend dhe te Astrit Bushatit ish- kryetar i PD-se Shkoder. Nga ana tjeter, nuk eshte e qarte se cfare do te beje kryetari aktual i deges Ramiz Cobaj. Nisur nga rezultatet e 25 qershorit dhe konfirmimi i 5 deputeteve- po aq sa ne 2013, eshte nje premise qe ai ti futet gares. Normalisht, cdo gje eshte ne doren e qendres, e cila pas propozimeve nga baza shkodrane, sjellin emrat perfundimtare per tu votuar nga antaresia demokrate. Nuk perjashtohet qe edhe individe te tjere, me kalimin e javeve te shpresin brenda strukturave ambicjen per te kryesuar degen demokrate. Por gjithsesi, do te ishte mjaft interesante nese numri 1 dhe numri 2 i deges aktualisht, te viheshin ne nje gare perballe per postin e kreut te deges se PD Shkoder. Ndryshe nga Cobaj i cili eshte zgjedhur ne postin qe ka, Aleksander Marleci eshte emeruar nga kryesia e PDSH-se si sekretar i deges demokrate Shkoder. /ShkodraWeb/
