Shkruan në Facebook kryetarja e Bashkisë Shkodër Voltana Ademi: 25 Prill është ditë rëndësishme për të sotmen dhe të nesermen e Shkodrës e Shqipërisë. Ne kemi detyrë të marrim përgjegjësinë për vete por më shumë për fëmijët tanë. E vetmja rrugë, mënyra e vetme, është Vota!
Vota e çdonjërit, vota e të gjithëve bashkë, ka fuqinë:
Të reduktojë varfërinë
Të frenojë emigracionin e fëmijëve tanë
Të përmirësojë ekonominë e familjeve e bizneseve
Të përmirësojë sistemin shendetësor
Të përmirësojë sistemin arsimor
Të ulë taksat dhe të rrisë rrogat
Të ndëshkojë arrogancën e “të paprekshmëve”
Të ndëshkojë korrupsionin dhe krimin e lidhur me pushtetin
Të ndërtojë të sotmen duke projektuar edhe të nesermen
Të bëhemi pjesë e familjes së kombeve demokratike
Shumë nga ne, janë të zhgënjyer nga ky tranzicion i stërzgjatur. Prej 30 vitesh, po ndjekim një ëndërr kombëtare: Integrimin në Bashkimin Europian. Është momenti i kthesës së madhe, i ndarjes përfundimtare nga një tranzicion i lodhshëm, i ndarjes nga ankthi për të sotmen dhe pasigurisë që Rama ka mbjellë.
Prandaj është detyrë patriotike, detyrë për secilin nga ne që, me 25 Prill të marrim pjesë masivisht në zgjedhje, të marrim në dorë fatin tonë, të familjeve e fëmijëve tanë.
