Fushata elektorale është e rëndësishme, por sigurisht ka gjëra që e kalojnë edhe rëndësinë e saj. Një nga ato, është familja. Shembullin e ka dhënë Benet beci, kandidat për deputet i PS- së Shkodër, Benet Beci, i cili ka publikuar diçka të veçantë ditën e sotme në rrjetet sociale. Vajza e tij feston ditëlindjen dhe ai ka dashur të ndajë me miqtë e tij këtë gëzim, por duke treguar diçka edhe për Edenjën, vajzën e tij sot 24 vjeçare:
“U bëfsh 100 bebi ynë i shtrenjtë! Të kemi parë të rritesh e lulëzosh vit pas viti për t’u bërë kjo alamet goce që je sot. Edhe pse shpesh kemi “kontradikta” nuk di a do të donim të ishe ndryshe. Ti na bën krenarë ashtu kryeneçe e kapriçoze siç je.
Mes luhatjesh ëndrra-realitet, forcë karakteri-brishtësi, pasion-pasiguri, moskokëçarje-supersticion, jemi të sigurt që do ta gjesh rrugën tënde në jetë dhe nuk do të jetë e gabuar, por sido që të jetë do të jemi gjithmonë pranë teje deri në fund.
Urojmë të gjesh stabilitet, paqe e qetësi, edhe pse në këtë moment këto mund të mos të duken si ingredientët e lumturisë. Por mbi të gjitha të gjesh dashurinë e madhe të jetës sate, pa bërë asnjë kompromis, sepse asgjë tjetër nuk ka rëndësi para kësaj. Qofsh e lumtur zemra jonë Edenja e gëzuar 24-vjetorin! Mami dhe babi”, shkruan Beci.
ShkodraWeb Media i uron Edenjës edhe 100 vite të tjera, duke vazhduar me “kontradiktat” që sot i pranoi edhe babai i saj Benet Beci!
