Deputetja e PD-së, Jorida Tabaku dhe ai socialist, Erion Braçe, janë cilësuar si deputetët më efektivë në Kuvend përgjatë shtator-dhjetor 2022.
Renditja është bërë nga Instituti i Studimeve Politike në raportin e publikuar së fundmi mbi monitorimin e Kuvendit, sipas së cilit Tabaku dhe Braçe bëjnë diferencën për nismat ligjore dhe debatet në komisione, për propozimet për amendamente dhe ushtrimin integral të mandatit të deputetit, për deklarime cilësore në diskutime dhe për qëndrime me integritet.
Pas tyre, në listën me 20 deputetë, renditen edhe Enkelejd Alibeaj, Bujar Leskaj, Ina Zhupa, Taulant Balla e Petrit Vasili.
Ndërkohë, ndër deputetët më efektivië në Kuvend, si përfaqësues të qarkut të Shkodrës, rezultojnë Emilja Koliqi dhe Greta Bardeli të Partisë Demokratike.
Siç shihet edhe nga tabela më sipër, Emilja Koliqi renditet e 12- a me 57.5 pikë dhe Greta Bardeli e 15- a me 53.1 pikë nga 100 të mundshmet. Ndërsa listën e deputetëve më pak efektivë në nivel kombëtar por edhe të qarkut Shkodër, e kryeson Agron Çela.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
