Kryeministri Edi Rama ka treguar disa nga tiparet e reja të qeverisë së tij për këtë mandat. Ai theksoi se një ndër tiparet themelore do të jetë besnikëria, ndërsa tha se kjo do të jetë ‘gjallë apo vdekur’.
“Fitorja e 25 qershorit mund të jetë e para e një epoke të re politike për Shqipërinë ose e fundit për një kohë të gjatë. Do jetë e fundit nëse ne nuk e shohim se kundërshtarët e dobët që kemi e bëjnë pushtetin që na është besuar kundërshtarin tonë më të rrezikshëm, ndërsa do jetë vetëm e para nëse e kuptojmë që fati i kësaj supersfide varet i gjithi nga sa dhe si ne do e mbrojmë këtë pushtet nga vetvetja. Pesha e madhe e kësaj përgjegjësie që na u besua është mundësia jonë unikale për të përmirësuar situatën. Kjo na është dhënë si shpatë kundër padrejtësisë. Nëse unë nuk jam plotësisht i qartë kthejeni pak kokën majtas apo djathtas. Fusha e betejës së 25 qershorit është ende e freskët, për të parë se si u ndodh kur u vjen puna tek kundërshtarët. Ne kërkuam një mandat kuqezi, dhe morëm një mandat kuqezi. Mbi të majtën e të djathtën. Për t’u ngritur mbi vetveten, për të ndërtuar bashkë me vetën një force bashkëqeverisjes. Tiparet e këtij mandati kuq e zi, gjallë vdekur, duhet të jetë besnikëria. Nëse do të rendisja 10 tiparet kryesore që duhet të ketë mandati jonë, duhet të ishte në krye besnikëria ndaj njerëzve. 2- vullneti për të çuar deri n fund reformat”, pohoi ai.
