“E pafalshme moralisht dhe politikisht”, dështon sërish mbledhja e Këshillit Bashkiak Shkodër, reagon këshilltarja socialiste

Nuk u zhvillua me 2 qershor për mungesë kuorumi por as sot, e njoftuar për tu zhvilluar, mbledhja e Këshillit Bashkiak të Shkodrës nuk është zhvilluar.

Pas zgjedhjeve të 30 qershor 2019, shumica e Këshillit Bashkiak Shkodër është njëngjyrëshe, me antarë të Partisë Socialiste por as ata nuk arrijnë të mblidhen.

Pas dështimit të dytë radhazi të së njëjtës mbledhje, ka ardhur edhe reagimi i fortë i Age Martini, këshilltare e Partisë Socialiste.

Ajo nënvizon se ky këshilli do të mbahet mend gjatë për mbledhjet e pazhvilluara.