Nuk ishte e vështirë të parashikohej se me rihapjen e shkollave, nuk do të mungonin rastet e infeksionit me Covid-19. Si në shkolla në mbarë vendin, edhe në Shkodër nuk kanë munguar shfaqjet e këtyre rasteve. Dy mësuese dhe një santitare kanë rezultuar pozitivë me Covid- 19 në shkollën 9- vjeçare “Ismail Qemali”, rapoton EeTimes.
Në kohën që jetojmë, nuk është asgjë e pazakontë. Raste ka patur dhe do të ketë, brenda e jashtë shkollave. Qasja që po vërehet në rastin e shkollës “Ismail Qemali” nga institucionet shendetësore, mund të konsiderohet aspak normale.
Shkolla nuk do të mbyllet. Ajo do të dezinfektohet dhe mësueset do të karantinohen. Po ashtu, 4 mësueseve të tjera u është marrë testi- tampon që me 21 shtator dhe deri më sot, nuk ka përgjigje. A mjafton kaq?
Fatmirësisht, fëmijët e kësaj shkolle, nuk janë te rrezikuar nga Covid-19. Por nuk duhet harruar, se pa dashje, ata mund të bëhen bartës të virusit, ta dërgojnë në shtëpitë e tyre, duke rrezikuar infektimin e prindërve, aq më keq të gjyshërve. Tek këta të fundit, sipas specialistëve, Covid- 19 mund të ketë edhe pasoja fatale për jetën.
Megjithatë, vendimi për mosmbylljen e shkollës, është marrë nga Inspektoriati Shendetësor i Shkodrës, pas konsultimit me Drejtorinë e Shendetit Publik po në Shkodër. Mësimi vazhdon dhe sipas gjasave, vendimi për vijimin, duhet të ketë marrë një miratim edhe nga instancat e larta të shendetësisë në Tiranë. Ndoshta edhe nga Ministria e Arsimit. /ShkodraWeb Media/