Kryetari aktual i bashkisë Shkodër Bardh Spahia konfirmohet sërish si kandidat i përzgjedhur i PD- së në primare për zgjedhjet vendore të 14 majit. Në 3 qendrat e votimit në Shkodër Spahia mori 1386 pro, 6 kundër ndërsa të pavlefshme 5 vota.
Në këtë mënyrë pjeëmarrja totale në primaret e PD Shkodër është 1397 votues nga mbi 4 mijë që ishin në listë me të drejtëe vote si anëtarë dhe simpatizantë.
Ndërkohë në Vau Dejës morën pjesë 856 votues ndërsa deputeti Zef Hila mori 722 vota duke u konfirmuar si fitues në primaret e PD dhe si kandidati i ardhshëm i bashkisë Vau Dejës nderkohë, kandidati tjetër atje Kole Shaben mori 142 vota.
Në Pukë janë katër kandidat dhe pritet që dy prej tyre të dalin në balotazh ashtu siç edhe në Fushë Arrez ka një garë të fortë me 5 kandidate dhe pritet edhe atje balotazhi.
Në Malësi të Madhe nuk u zhvilluan primaret e PD për shkak të problemeve të mëparshme nga kandidatët dhe kandidati për kryetar bashkie atje pritet që të sillet nga qendra.
