Kopshti në mjesidet e shkollës “Ndoc Mazi” në qytetin e Shkodrës, do të çelë dyert për fëmijët ditën e hënë, datë 9 nëntor 2020. Para pak minutave, kryebashkiakja Voltana Ademi ka nxjerrë urdhrin përkatës, në pritje të një përgjigje nga ministrja e Arsimit Evs Kushi, lidhur me shqetësimin e prindërve të fëmijëve të këtij kopshti.
Në dokumentin e shpërndarë për mediat, mes të tjerave lexohet:
“Urdhëroj zhvillimin e mësimit në arsimin parashkollor në shkollën “Ndoc Mazi” për fëmijët që kanë përfunduar regjistrimin dhe të gjithë ata që janë në proces regjistrimi.
Ngarkohet për zbatimin e këtij urdhëri: Drejtoria e Kopshteve dhe Çerdheve pranë Bashkisë Shkodër dhe Drejtoria nr.1- Kopshti “Ndoc Mazi”
Ky urdhër hyn në fuqi menjëherë.”, përfundon urdhri që mban firmën e kryetares së Bashkisë Shkodër Voltana Ademi.
LEXONI EDHE: DOKUMENTET – Mbyllja e kopshtit tek shkolla “Ndoc Mazi”, kryebashkiakja Ademi shkresë ministres së Arsimit
