ShkodraWeb ka siguruar kërkesën e plotë që Altin Dumani dorëzoi sot (12 dhjetor) në Kuvend për të kërkuar dhënien e autorizimit për arrestimin/ heqjen e lirisë së Sali Berishës.
Në kërkesë renditet dhe tre rastet e refuzimit të Sali Berishës për të mos zbatuar vendimin e gjykatës për tu paraqitur para oficerit të policisë gjyqësore.
Referuar proces verbaleve datë 06.11.2023,20.11.2023 dhe 04.12.2023 të mbajtur nga oficeri i policisë gjyqësore/hetuesi, para të cilit duhet të paraqitej personi nën hetim Sali Berisha,rezulton se ky i fundit, nuk ka zbatuar vendimin e gjykatës, duke mos u paraqitur asnjëherë para policisë gjyqësore” shkruhet në kërkesë.
Në rast shkelje të detyrimeve që lidhen me një masë sigurimi, gjykata mund të vendosë zëvendësimin ose bashkimin me një masë tjetër më të rëndë, duke mbajtur parasysh rëndësinë, motivet dhe rrethanat e shkeljes. Për shkeljen e detyrimeve që lidhen me një masë ndaluese, gjykata mund të vendosë zëvendësimin ose bashkimin me një masë shtrënguese.
Prandaj SPAK kërkon dhënien e autorizimit nga Kuvendi i Republikës së Shqipërisë, për arrestimin/heqjen e lirisë të deputetit Sali BERISHA, nëpërmjet zëvendësimit të masës të masës së sigurimit nga ajo e “Detyrimit për t’u paraqitur në policinë gjyqësore”, parashikuar nga neni 234 i K.Pr.Penale dhe “Ndalimi i daljes jashtë shtetit”, parashikuar nga neni 233 i K.Pr.Penale, në atë të arrestit në burg/arrest në shtëpi, parashikuar nga nenet 238/237 të K.Pr.Penale.
Kërkesa në faqen e parë ka firmën e kreut të SPAK Altin Dumani, ndërsa relacioni për dhënien e autorizimit ka firmat e dy prokurorëve të dosjes, Arben Kraja dhe Enkeleda Millonai. Do të jetë gjyqtarja e GJKKO-së Irena Gjoka e cila do të gjykojë kërkesën e SPAK.
KLIKONI LINKUN PËR TË LEXUAR TË PLOTË DOKUMENTIN E SPAK PËR KUVENDIN E SHQIPËRISË
