Dita e sotme ka qenë mjaft e ngjeshur me aktivitete për kandidatin e PS- së për kryetar të Bashkisë Shkodër, Benet Beci. I pranishëm në territor, ka qenë kryeministri Edi Rama dhe një sërë ministrash të kabinetit të tij.
Janë organizuar disa takime, duke filluar me Shirokën, sheshin para bashkisë, sheshin para Hotel Colosseo dhe një takim me disa personalitete të Shkodrës në sfera të ndryshme.
Në përmbyllje, Benet Beci ka publikuar një përmbledhje me foto nga këto takime, të cilat i shoqëron edhe me një tekst mjaft domethënës për fushatën e tij elektorale për Bashkinë e Shkodrës.
“Albumi i një dite që më bind më shumë se kurrë se vetëm bashkë, me mbështetje pa kushte, me kontributin e secilit që do më të mirën për këtë vend e me shumë punë do ta kthejmë Shkodrën në perlën e veriut e të rajonit, aty ku i takon me qenë prej gjithmonë! Mirënjohje për secilin prej jush, jeni motivim!”, shkruan Beci.
