Kristiano Ronaldo është dënuar me 5 ndeshje pezullim nga Komisioni i Disiplinës në Spanjë, pas daljes me karton të kuq në ndeshjen e djeshme të Superkupës përballë Barcelonës.
Ai është dënuar një ndeshje si pasojë e kartonit të kuq të marrë pas dy të verdhëve, si dhe me katër ndeshje të tjera për reagim antisportiv duke shtyrë gjyqtarin.
Ronaldo duket se do të humbasë ndeshjen e kthimit të Superkupës së Spanjës përballë Barcelonës, si dhe katër ndeshje të tjera ët La Ligës.
Episodi ndodhi në El Clasicon e mbrëmshme, ku u përballën Barcelona dhe Real Madrid, dhe pas një ndërhyrje të gabuar të Ronaldos, gjyqtari i nxjerr atij kartonin e kuq, por si kundër përgjigje ai bëri një gjest aspak sportiv duke shtyrë gjyqtarin.
Ndeshja përfundoi me rezultatin 1-3 në favor të Real Madrid.
