Të tjera detaje janë zbardhur nga ngjarja e rëndë që është regjistruar mëngjesin e 3 janarit në një hotel në autostradën Durrës-Tiranë. Policia tha se një 32 vjeçar, banues në Sukth, i identifikuar si Fatbardh Doda (Dervishi), i sapo kthyer nga Spanja, dyshohet se ka plagosur me armë zjarri pistoletë shtetasen Edis Koroveshi, 23 vjeçe.
Bëhet me dije se dy të rinjtë kanë një lidhje intime me njëri tjetrin dhe ishin paraqitur mëngjesin e sotëm në hotel.
Nga verifikimet e para që kanë kryer agjentët në vendin e ngjarjes dhe nga deklarimet e marra, mësohet se në dhomë, arma që mbante i riu është shkrepur aksidentalisht.
Pasi ka bërë tre rikoshetë, plumbi e ka kapur vajzën në krah. Autori mësohet se ka qenë në gjendje të dehur. Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit.
Durrës/Informacion paraprak
Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi Fatbardh Doda, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën.
Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes.
