“Bomba” e deputetit, nje minister i ka bere nje dhurate 8 mije euro dashnores

Deputeti i koalicionit PDK-AAK-NISMA (PAN) nga radhët e Nismës, Milaim Zeka, ka thënë një intervistë në “TV Dukagjini” se do të ishte kandidat shumë serioz për ta udhëhequr Parlamentin, teksa ka shpjeguar se i është ofruar posti ministror për të cilin nuk është i interesuar. Në lidhje me takimin e djeshëm të thirrur nga presidenti Hashim Thaçi, Zeka ka thënë se presidentit të Kosovës i kanë mbetur dy gjëra: “show mediatik brenda Kosovës dhe dialogu me Serbinë”. Ai thotë se nuk pajtohet edhe me Pal Lekajn nga AAK, se në takim nuk erdhën ata që i kanë humbur zgjedhjet, ndërsa shton se VV dhe LDK kanë vepruar mirë që nuk i janë përgjigjur ftesës së presidentit, pasi ka qenë një takim formal. Ai thotë se “presidenti ka mund me caktu seancën edhe pa shkuarjen e Pal Lekajt”. Zekaj ka theksuar se një ministër i Kosovës ka shpenzuar në udhëtim zyrtar 8 000 euro, për t’i blerë dhuratë dashnores së tij.