Bendis Prendi është zgjedhur kryetari i ri i Këshillit Studentor i Universitetit të Shkodrës “Luigj Gurakuqi”. Ai është shpallur fitues në zgjedhjet e zhvilluara me 12 prill 2024. Lajmi është zyrtar nga vetë Universiteti i Shkodrës “Luigj Gurakuqi”.
Ndërkohë, studenti Bendis Prendi, i vitlindjes 2004, ka dhënë mesazhin e tij pas garës për këtë pozicion të rëndësishëm për instutucionin e arsimit të lartë në Shkodër.
“Miq, sot ishte një ditë e rëndësishme për secilin prej nesh. Secili shprehi vullnetin e tij të lirë duke vendosur për të bërë ndryshimin dhe për të përmirësuar përspektivën që çdo student i qytetit tonë sot meriton.
Ndihem i vlerësuar mes jush për çdo takim dhe diskutim që kemi zhvilluar në këto ditë me mbështetjen tuaj. Ju falenderoj për përpkrahjen dhe fitoren që sot më dhuruat. Së bashku realizojmë ëndrra”, shkruan Bendis Prendi.
