Me dt 04.04.2022 Këshilli Bashkiak Shkodër miratoi VKB Nr 22 “Për miratimin në parim të financimit nga Fondi Shqiptar i Zhvillimit për rikualifikim të fasadave të disa pallateve të qytetit Shkodër,
Ky vendim u miratua pas tre kërkesave që qytetetarë të këtyre lagjeve kanë depozituar pranë Këshillit Bashkiak Shkodër me datë 02.03.2023 me lëndë ” Kërkesë për rikonstruksion dhe termoizolim të pallateve” pas thirrjes së shpallur nga Fondit Shqiptar të Zhvillimit .Me anë të një shkrese tjetër i është drejtuar këtij institucioni , Këshillit Bashkiak Shkodër me datë 06.03.2023 me lëndë ” Kërkesë për mbështetje” duke bashkëngjitur kërkesat e banorëve.
Ky vendim për miratim në parim ka të bëjë me rikualifikim dhe termoizolim të fasadave dhe e banorëve nga nevoja për ndërhyrje ,mungesa e sistemit të termoizolimit,përmirësim i kushteve të banimit dhe cilësisë së jetës ,minimizim i ndotjes atmosferike ,minimizim i ndotjes akustike
Në lidhje me projektin e efiçencës energjjitike të pallateve të vjetra të qeverisë u njoftuam edhe se më datë 17.03.2023 në përgjigje të kërkesës të Këshillit Bashkiak për financimin e katër pallateve të tjera në lagjet Rus dhe Xhabije, Fondi Shqiptar i Zhvillimit është shprehur i gatshëm për të financuar rreth 28 mln lekë për këto katër pallate ,siç ka vepruar në plot bashki të tjera të Shqipërise. Për më tepër FSHZH i ka dërguar Bashkisë për firmosje marrëveshjen e investimit dhe shpreh gatishmërinë për të filluar menjëherë nga puna.
Sot pas pothuajse 5 javë banorët nuk kanë marrë asnjë përgjigje !!
Po ti referohemi Ligj Nr. 139/2015 Për vetqeverisjen vendore Neni 11, Komunikimi dhe informimi ,është detyrim ligjor ,
Organet e njësive të vetëqeverisjes vendore, për fushën e tyre të përgjegjësisë, informojnë me shkrim organet e qeverisjes qendrore për çdo çështje që u kërkohet informacion. Organet e qeverisjes qendrore, kur kërkohet nga organet e njësive të vetëqeverisjes vendore, japin informacion, sipas afateve të përcaktuara nga legjislacioni në fuqi.
Po ti referohemi Ligj Nr. 139/2015 Për vetqeverisjen vendore , Neni 19 të këtij ligji për të drejtën e kërkesës, ankesës dhe vërejtjes
1. Çdo qytetar apo grupe që përfaqësojnë komunitetet kanë të drejtë t’u drejtojnë kërkesa, ankesa apo vërejtje organeve të vetëqeverisjes vendore për çështje që lidhen me funksione dhe kompetenca në juridiksionin e njësisë së vetë-qeverisjes vendore.
2. Organet e vetëqeverisjes vendore janë të detyruara t’i marrin në shqyrtim kërkesat, ankesat apo vërejtjet dhe të kthejnë përgjigje brenda afateve të përcaktuara me ligj.
Duke shpresuar që vonesat janë për shkak procedurash, zbatimi ne kohë tashmë është detyrim ligjor i papërmbushur akoma. /Nga Blediana NIKA OSJA, këshilltare e PS, punlikuar në Facebook/
