Sipas klubit i cili ka njoftuar për lajmin, kjo ka ndodhur me lejen e teknikut Ernesto Valverde ndonëse skuadra po përgatitet për ndeshjen e “Superkupës së Spanjës” kundër Real Madrid. Andres Iniesta është larguar pak minuta pas fillimit të stërvitjes ditën e sotme nga qendrën stërvitore e Barcelonës.
Sipas mediave në Spanjë, nuk do të kishte asgjë të jashtëzakonshme te ky largim nga stërvitja, sikur një gjë e ngjashme të mos kishte ndodhur vetëm pak ditë më pare. Atëherë ishte Neymar, i cili më pas u transferua te Paris SG.
Nuk përjashtohet mundësia për një largim të mesfushorit i cili ndodhet në vitin e fundit të kontratës duke parë edhe interesimin e disa klubeve si Inter dhe Juventus./balkanweb/
