Nuk i ka mbyllur deri tani as pandemia e Covid- 19, pavarësisht rasteve të evidentuara pozitive, por mund ti mbyllë shkollat në Lezhë një urdhër që sot pasdite është shpërndarë përmes mesazheve. ShkodraWeb Media ka siguruar mesazhin, i cili u është dërguar mësuesve të shkollave të Lezhës, sipas gjasave, edhe atyre të shkollave të tjera në varësi të DRAP Lezhë.
“Pershendetje!
Ju lutem kujtoni edhe njehere nxenesit e klasave tuaja kujdestari megjithese i kemi lajmeruar ne cdo klase qe diten e hene te sjellin fotokopjen e karteles se vaksinimit ose vertetimin qe marrin ne konsultor qe jane vaksinuar sepse na duhet ti dorezojme tek perfaqesuesit e DSHP.
Asnje nxenes nuk mund te pranohet pa dorezuar kete dokument dite hene. Ju lutem mos e neglizhoni po kujtojuani sepse jane femi dhe harrojne.Cdo mesues fotokopjet e kartelave te klases do i dorezoje ne drejtori diten e hene.
Ju faleminderit per mirekuptimin.”, thuhet në mesazh, të cilin mund ta shihni edhe në foto. Nga mësuesit, me të njëjtën rrugë, mesazhi u është shpërndarë edhe prindrve sipas klasave të kujdestarisë.
Nuk ka asgjë të keqe që të kërkohet libreza apo vertetimi i vaksinave, sidomos në këtë kohë pandemie, edhe pse kjo kerkesë nuk ka asnjë lidhje me situatën e pandemisë, përsa kohë që nuk bëhet fjalë për vaksinën anti- Covid që nukështë shpikur akoma.
Ti lësh në dispozicion vetëm disa orë në fundjavë prindërve për të siguruar dokumentacionin e kërkuar, koha është e pamjaftueshme. Aq më shumë kur kjo fundjavë sipas IGJEUM parashikon shtrëngata dhe përmbytje dhe Lezha është një nga 5 qarqet ku Emergjancat Civile kanë kërkuar kalim në gatishmëri nga Prefekturat.
E për ta mbyllur, a nuk ekziston mundësia që mjekët e familjes të raportojnë në DSHP Lezhë për atë që u kërkohet prindërve duke u lënë vetëm disa orë kohë në fundjavë dhe në situatë të paralajmëruar emergjence?! /ShkodraWeb Media/