Ambasada turke reagon per lirimin e njeriut te Gylen nga gjykata shqiptare: Jemi te zhgenjyer

Ambasada turke në Tiranë ka reaguar pas lirimit të Muhammed Aydogmus, i kërkuarit nga drejtësia turke për terrorizëm. Gjykata e Durrësit e la të lirë një ditë më parë mbështetësin e Gylen, duke rrëzuar kështu edhe kërkesën për ekstradim. Në një reagim te tij, Sinan Cem Baş, konsull i ambasadës turke tha se vendimi i Gjykatës së Durrësit është skandaloz dhe cenon sigurinë kombëtare të Shqipërisë.

“Jemi tejet të zhgënjyer nga vendimi mos ekstradimit. Gjykata e Durrësit dha dy vendime skandaloze. Turqia solli përpara gjykatës të gjitha dokumentat. Avokatët e Muhammed Aydogmus e politizuan cështjen. Gjykatësi ra në kurthin e politizimit të cështjes. Aydogmus është anëtar i një organizate terroriste. Ky vendim i Gjykatës së Durrësit është kundra sigurisë kombëtare të Shqipërisë. Shqipëria dha shembull të keq në luftën kundër terrorizmit. Muhammed Aydogmus bleu pasaportat false nga grupe kriminale në Shqipëri. Vendimi i hap rrugë të tjerë terristëve për bashëpunim kriminal”, u shpreh Sinan Cem Baş. /shqiptarja.com/