Përfaqësuesit e Partisë Demokratike janë mbledhur sot në Kryesinë e Kuvendit ku kërkojnë mbledhjen e Keshilli i Mandateve për miratimin e kërkesës se prokurorisë për heqjen e imunitetit të deputetit Saimir Tahiri. Sipas deputetit të PD-së Eduard Halimi, çdo minutë që ikën i shërben shkatërrimit të provave sa i takon çështjes ‘Tahiri’, emri i të cilit doli në përgjimet e trafikantëve të drogës të arrestuar në Itali. Halimi i bëri thirrje kryeparlamentarit Gramoz Ruçi që të mbledhë Këshillin e Mandateve. Demokratët pohuan se Rama dhe Tahiri po shkatërrojnë provat.
