Një 30-vjeçar ka rënë në prangat e Policisë mbrëmjen e sotme në Lezhë, pasi u kap duke thyer masën e sigurisë ‘arrest shtëpie’.
30-vjeçari me inicialet M.V., banues në Shkodër i ishte vendosur masën e sigurisë “arrest në shtëpi”, për veprën penale “Prodhim dhe shitje të narkotikëve”.
Megjithatë ai nuk e zbatonte vendimin e Gjykatës, duke lëvizur lirshëm nëpër qytet. Pas kontrolleve të policisë, ai u gjet në lëvizje në vendin e quajtur “Rrethrrotullimi i Shëngjinit” në Lezhë, ku iu vunë prangat.
Materialet hetimore u referuan në Prokurorinë e Rrethit Gjyqësor Lezhë, për veprime të mëtejshme.