29- vjecari shqiptar tenton te shtype me makine nje sirian ne Itali

Një tjetër shqiptar bëhet protagonist i një ngjarje të rëndë në Itali. Mësohet se ai ka përplasur me makinën e tij rreth orës 17.30 të hënën, një 43-vjeçar sirian. Ky i fundit punonte si tregtar dhe po hidhte disa çanta në makinën e tij gjatë aksidentit që i ndodhi.  Gjatë survejimit të kamerave dhe në bazë te operacionit të kryer nga policia në anën e stacionit të kryeqytetit,  u vu se  shqiptari e kishte përplasur qëllimisht ne mur tregtarin, ndërsa ngarkonte çantat në makinë. Faktet tregojnë se tregtari u përplas një herë, por shqiptari nuk ka bërë indietro dhe ka tentuar që ta shtypë sërish, por tregtari ka shmangur tragjedinë duke u hedhur në anën tjetër. Mësohet se për fat të mirë siriani ka shpëtuar pavarësisht se ka marrë disa lëndime.

Agjentët më pas menjëherë kanë marrë dëshmitë e njerëzve dhe kamerat që survejonin ambientin, duke identifikuar fajtorin për çështje orësh. Autori i aktit çmendur është një shqiptar 29- vjeçar, i njohur tashmë për policinë, i cili do të duhet të përgjigjet për veprën penale të lëndimit, ndërsa viktima ka pësuar lëndime dhe gjykohet se mund të shërohet brenda 30 ditëve. /panorama/