Përvjetori i 27-të i themelimit të PS, ka rikthyer me një status në Facebook Saimir Tahirin, jo vetëm ish- ministër e deputet por edhe kryetar i degës më të rëndësishme socialiste, asaj të Tiranës. Në një mesazh të publikuar në faqen e tij, më shumë se urim Tahiri duket se dërgon një mesazh deri diku të koduar, sidomos në pjesën e fundit të tekstit. Tahiri shkruan:
“Nga 27 vjet, kam jetuar pak me shume se gjysmen e tyre mes shume burra e gra, te rinj e te reja ne PS. Disa nuk jetojne me, te tjere jeta u ka hapur rruge te reja, shume jane ende e shume bashkohen.
Kam pasur privilegjin te njoh shume, te flas, te debatoj e mbi te gjitha te ndjej mbeshtetjen e shume prej tyre ne cdo moment. Akoma me shume sot. Momente te veshtira ka gjithmone, jeta ma solli ta kuptoj shume mire kete.
Ka plot te tjere qe kane pare e shohin keq e me keq ama. E ndoshta as flasin dot. Por dikur, do ringrihemi! Heret, me shume se vone. Per gjithcka nuk beme dot, e gjithcka duhet te bejme per te mos u perkulur para padrejtesise.
Per te dobtin qe do ze, te varfrin qe do nje shans, te mundurin qe do drejtesi, te pastehun qe do shtepi, te papunin qe do pune, te aftin qe do merite, te gjithe ne Shqiperine tone, 27 vjet jane mjaftueshem per te kuptuar ku do hedhim kemben e rradhes.
Gezuar!”, shkruan Tahiri. Mesazh i koduar ose jo, gjykoni vetë. PS është parti në pushtet prej 5 vitesh, se për çfarë ringritje mund të diskutohet, nuk është e qartë. Përjashto, vetëm nëse bëhet fjalë për ringritje individuale të individit Saimir Tahiri që po i nis mesazh dikujt brenda PS.