“21 JANARI 2011″/ Garda e Republikës padit ish- komandatin Prendi: Bashkë me Llupon të paguajnë 2.1 milion euro…

Garda e Republikës ka paditur ish-drejtuesin Ndrea Prendi dhe efektivin Agim Llupo duke kërkuar që ata të paguajnë faturën e dëmshpërblimit për 4 viktimat e 21 Janarit. Burime pranë Ministrisë së Brendshme bëjnë me dije se, përmes një padie civile, Garda kërkon nga Gjykata e Tiranës që ish-komandanti Ndrea Prendi dhe ish-shefi i njësisë speciale Agim Llupo të dëmshpërblejnë familjet e 4 viktimave si dhe të mbulojnë shpenzimet gjyqësore që kapin vlerën e 2.1 milionë Eurove.

Seanca e parë do të zhvillohet ndaj ish-kreut të Gardës Ndrea Prendi më datë 6 Nëntor në orën 14.00.

Ende nuk është caktuar seanca në ngarkim të Agim Llupos që mbante postin e shefit të njësisë speciale në gardën e Republikës në kohën kur ndodhën vrasjet. Dy ish-zyrtarët e Gardës u shpallën fajtor për “Vrasje me dashje nga pakujdesia”, duke dënuar me 1 vit burg Ndrea Prendin dhe 3 vite Agim Llupon.

Në Dhjetor të 2017 qeveria Rama miratoi një vendim për dëmshpërblimin e katër familjeve të viktimave, Ziver Veizi, Hekuran Deda, Aleks Nika dhe Faik Myrtaj. Këta të fundit mbetën të vrarë gjatë protestave të opozitës në 21 Janar të 2011.

Loading...

Më shumë artikuj nga ShkodraWeb:

Gjendet i pa jetë në banesën e tij në Gimaj të Shalës një shtetas, versioni zyrtar i uniformave blu të Shkodrës…

DEKLARATA/ Ahmet Zogu “fut në sherr” avokat Ngjelën me ish- nënkryetarin legalist…

VIDEO/ Saimir Tahiri tjetër postim në rrjete sociale, kërkon mbeshtetje për të shpërndarë një video…

Close