Java e dhjetë e kategorisë Abissnet Superiore e përball Vllazninë me Kukësin, transferta e katërt radhazi për skuadrën kuqeblu, e cila në tre ndeshjet e mëparshme ka marrë një fitore, një barazim dhe një humbje. Në konferencën e shtypit dhënë një ditë përpara ndeshjes, trajneri kuqeblu Migen Memelli, e nisi aty ku e la në konferencën e pas ndeshjes, Skënderbeu-Vllaznia, për fatkeqësinë në familjen e kolegut Alban Hasani.
Pozitive për kampin kuqeblu janë rikuperimet e portjerit Qarri si dhe sulmuesit Gomesh, por një gjë e tillë nuk është e mundur për Hakajn. Nga ana tjetër, optimizëm për të marrë tre pikë në këtë ndeshje ka edhe në kampin kuksian, gjë të cilën e deklaron Oltjon Kernaja, Zv.Trajner i ekipit të Kukësit.
Ndeshja, Kukësi-Vllaznia, luhet të premten në stadiumin “Kukës Arena” duke nisur nga ora 14:00.
