Pritjes dhe kuriozitetit, i ka ardhur fundi. “Në kuadër të dashurisë”, një nga filmat më të pritur nga audienca shqiptare, brenda dhe jashtë kufijve, do të transmetohet Premierë, shumë shpejt.
Ka qenë Luiz Ejlli, aktori kryesor i këtij filmi bashkë me Olta Gixharin, ka shpërndarë një trailer të filmit, duke zbuluar edhe datat kur filmi do të shfaqet për herë të parë në kinema.
Mësohet se “Në kuadër të dashurisë” do të shfaqet me 9, 10, 11 tetor në Pallatin e Kongreseve në Tiranë dhe me gjasë, do të tërheqë mjaft interesin e publikut.
Kjo jo vetëm për faktin se luajnë dy antagonistët e BBVip, Luiz Ejlli dhe Olta Gixhari, por sepse të dy do të jenë çift të dashuruarish në këtë prodhim kinematografik.
Me shumë mundësi, filmi më pas do të shfaqet edhe në kinematë e tjera, brenda dhe jashtë vendit, ku sigurisht nuk do të mungojë Shkodra, vendlindja e Luiz Ejllit.
