Është përcjellë në banesën e fundit Anila Dushi, gazetare e mirënjohur e Shkodrës e më gjërë por edhe mësuese e brezave dhe pedagoge e shumë gazetarëve të rinj. Kanë qenë familjarë, kolegë, miq, të njohur, autoritete vendore që i kanë dhënë lamtumirën e fundit mes dhimbjes së madhe.
Kolegia jonë Anila Dushi humbi betejën me infeksionin Covid-19. Jeta e saj nuk ka qenë aspak e lehtë, duke humbur njerëzit e saj më të dashurë, nënën, babain por edhe Tahirin, dashurinë e pakushtëzuar të jetës së saj. megjithatë, ajo ishte gjithmonë e fortë, me kolegët e saj qoftë në gazetari por edhe në mësimdhënie.
Kohët e fundit, ajo realizoi atë që e konsideronte edhe “ëndrrën e jetës”, një monografi për aktoren e mirënjohur Pavlina Mani. Me ikjen e Anilës shumë para kohe, gazetaria, mësimdhënia por edhe Shkodra humb një vlerë. Pushofsh në paqe Anila Dushi, kolege, mike, gazetare, mësuese e pedagoge që do ti mungosh të gjithëve. /ShkodraWeb Media/
