Nga Namik MEHMETI, gazetar
Po ndiqja me kureshtje, pse jo dhe me një kënaqësi vendimin pozitiv që do të merrte të enjten e datës 25 mars për miratimin e fondeve për Klubin e Futbollit Vllaznia, për t’i hapur dritën jeshile licensimit të këtij klubi në Kupat e Europës.
Por çuditërisht ndodhi zhgënjimi që moren nga vendimi i 33 kalorsiakëve të majtë të këtij instutucioni duke i vënë traun me shënimin monist: “Ndalim kalimi- zonë kufitare”.
Sa vendim diskretitues e ofendues për një klub 102 vjeçar, për historinë e tij të shkruar me shkronja të arta, me djersen e kontributin e qindra legjendave të futbollit shkodran, me mbështetjen dhe tifozerinë e admirueshme të sportdashësve të saj jo vetëm në ish- fushën e vjetër të futbollit, në ish- stadiumin “Vojo Kushi” sot me emrin e legjendës Loro Boriçi, por edhe jashtë Shkodrës nga Tirana deri Vlorë.
Vllaznia ky emër simbolik që ka përfaqësuar jo vetëm futbollin e sportet e tjera, por edhe kulturën e qytetarinë e vyer të qytetit verior, ishte mësuar në kohën e Diktaturës komuniste me poshtërime e fyerje nga ma të ndryshmet, duke i mohuar titullin kampion, duke e përjashtuar nga Kupat e Europës, jo për një vit, por dy- tre vite.
Jo vetëm Vllazninë legjendë në futbollin shqiptar por edhe ekipet e sporteve të tjera. Dhe pas tridhjete vitesh, Vllazninë nuk e dënon Partia, por vetë shkodranët.
33 anëtarë të Këshillit Bashkiak, në unison, të rrjeshtuar me një rrjesht me urdhër, sigurisht nga Tirana, selia roze, nuk vejnë në funksionim kartonin e pamerituar falë zgjedhjeve një partiake, nuk njohin as zgjidhjen teknike në mes Vllaznisë e Degës së Tatimeve.
Por nuk njohin as vlerat e qytetarisë shkodrane që i ka dhuruar Vllaznia për gjatë një shekulli, nuk njohin as panteonin e saj që ka mbajtur gjallë tifozerinë shkodrane, bile nuk njohin as ndjenjat më elementare që përfaqëson një anëtar i këshillit bashkiak, në një shpërfillje që mban emrin injorancë.
Pse them një vendim në bllok, se nuk besoj se nga ato 33, nuk e njeh Sabah Bizin, apo Ramazan Rragamin, apo Medin Zhegën, Hysen Zmijanin, sa e sa emra të tjerë me të cilët edhe mund të kenë pi një kafe, le pastaj emrat e një brezi tjetër legjendar që vetë mund të kenë dëgjuar emrin në bisedat e tifozerisë shkodrane si Muhamet Dibra, Loro Boriçi, Muc Koxhja, Xhevdet Shaqiri, Xhelal Juka, Pal Mirashi, Bahri Kavaja, Bimo Fakja, Met Vasija.
Vendim absurd, tha me keqardhje kryetarja e Bashkisk znj. Ademi, do të gjejmë rrugë të tjera për ta mbjatur Vllazninë, i premtoi sportëdashësve donatori z. Xhaferi.
Po fjala e tifozerisë shkodrane dhe qytetarëve shkodranë, cila do të jetë përballë këtij dhunimi njepartiak…!?
