Tragjike/ Vdes duke luajtur ne oborr 6- vjecari, e ze poshte dera e shtepise

Drejtoria Vendore e Policise Diber njofton: Rreth orës 10.15, jemi njoftuar nga urgjenca e spitalit Rajonal Peshkopi, se është sjellë nga familjarët pa shenja jete në spital një fëmijë 6  vjeçar. Menjëherë është ngritur grupi hetimor duke shkuar në ambjentet e spitalit, ku ka rezultuar se nga kqyerja paraprake e trupit të fëmijës e kryer nga eksperti mjeko-ligjor janë konstatuar dëmtime fizike në kokë.

Nga veprimet e para hetimore rezulton se fëmija A.S, 6 vjeç banues në lagjen “Sule”, njësia administrative  Fushë-Çidhën, Dibër,  kishte shkuar tek shtëpia e dajës së vet në fshatin Blliçe-Dibër, dhe duke luajtur në oborr me portën e hekurit me shina është shembur porta   duke e goditur në kokë fëmijën 6 vjeçar. Si pasojë e goditjes fëmija A.S, ka humbur jetën. Ndërkohë grupi hetimor  vijon veprimet për zbardhjen e plotë të rrethanave të ngjarjes. /ShkodraWeb/