Ka nisur prej orës 8:00 të mëngjesit votimi i të rinjve demokratë për të zgjedhur kryetarin e ri të tyre.
Në garë për të marrë drejtimin e Forumit Rinor të PD janë 6 emra, Alesia Balliu, Arnold Karriqi, Artion Bajramaj, Barbara Doda, Besard Xhaferri dhe Mariglend Doçi.
Deri në orën 18:00 në degët e PD të rinjtë demokratë do të zgjedhin njërin prej tyre për t’i drejtuar aksionin politik.
Aktualisht, FRPD drejtohet nga Belind Këlliçi, ndërsa zgjedhje në këtë strukturë janë mbajtur për herë të fundit në dhjetor 2015 teksa mandati i kryetarit dhe forumeve drejtuese kishte përfunduar dy vite më parë.
Ky proces zhvillohet nga PD e Berishës ndërsa një garë tentoi ta hapte dhe Lulzim Basha, por mbeti pezull për shkak të situatës brenda demokratëve.
