Rama deputeteve te PS: Harroni emerimet e drejtoreve, do te behen me konkurs!

Pas përfundimit të mbledhjes së grupit parlamentar të Partisë Socialiste mëngjesin e sotëm, janemësuar disa nga udhëzimet e kryeministrit Edi Rama. Rama është treguar i prerë me deputetët duke thënë: “Harrojini emerimët e drejtorëve. Do te jenë me konkurs. Na propozoni emra, por po fitoi ndonje tjetër më i mire, mos më hyni mik. Rekrutojini me parti pasi të bëhen drejtora pas konkursit”. Mes të tjerash ai ka kërkuar që të ketë bashkëpunim me opozitën për të ruajtur frymën e konsensusit të 18 majit.

“Të bëjmë debat konstruktiv. Duhet të shmangim sa më shumë të jetë e mundur përplasjen. Të respektojmë frymën e 18 majit për konsensus dhe të bashkëpunojmë me opozitën,” mësohet të ketë thënë Rama.

Në mbledhjen që zgjati dy orë, u diskutua për axhendën parlamentare. Raportohet se në mbledhje kanë folur edhe emra të rëndësishëm të Partisë Socialiste.  Kreu i grupit të PS, Balla tregoi se çfarë do të ndodhë me rendin e  ditës dhe tha se nuk është nevoja për debat për Reformën Zgjedhore por meqë opozita e ka kërkuar opozita do bëhet debat konstruktiv. /balkanweb/