Vllaznia dhe Kukësi luajnë nesër në “Loro Boriçi”. Ndeshja e javës së 15 në Superligë merr jetë në 16:45, teksa përpara medieve ka folur trajneri i shkodranëve, Thomas Brdaric. Kroato-gjermani është pyetur edhe për deklaratën e trajnerit kundërshtar që sheh Tiranën dhe Partizanin si ekipin më të mirë, me Brdaric që nuk e ka kursyer replikën.
“Ne duhet të jemi shumë të përgatitur për të pritur Kukësin në stadiumin tonë. Skuadra duket me shumë vetbesim dhe e gatshme për të bërë një punë me përqëndrim nesër. Qoftë ne, qoftë Kukësi jemi skuadër që duam të luajmë futboll. Nesër të përqëndrohemi në mbrojtje që t’I tregojmë se nuk jemi të lehtë për t’u mundur.
Partizani dhe Tirana më të mirë tha trajneri i Kukësit – Ai i ndryshon shpesh mendimet e veta. Për mua vendimtare është që të fitojmë nesër, pastaj secili mund të thotë çfarë do.
Stadiumi “Loro Boriçi” fat për Kukësin – Ata e shijojnë të luajnë këtu, sepse është një stadium I bukur. Ne të jemi të fokusuar të marrim më të mirën.
E ndoqët Kukësin nga afër – Është bukur të shikosh ndeshjet nga afër. Ne të marrim të mirat nga ajo ndeshje, sepse kemi bërë analizën e duhur të kundërshtarit. Dua të them faleminderit për fansat, na kanë mbështetur shumë. Ne duhet të jemi krenarë për ta dhe duhet të japim një feedback ndaj tyre me paraqitjet tona. Nesër duhet të marrim pikë për ta. Faleminderit edhe medias dhe analistëve.
Fitorja premtim si dhuratë – Nuk jam Zoti, jam një trajner. Ajo që premtoj është të japim maksimumin dhe të shkaktojmë stres te Kukësi.
Merkato apo grupi e përballon sezonin? Kemi besim te ekipi ynë. Kemi lojtarë që janë të gatshëm për të treguar veten. Nëse kemi boshllëqe jemi patjetër të hapur për merkato”, tha Brdaric.