“Po punohet për identifikimin e bashkëpunëtoit të 19 vjeçarit”, drejtori Tonin Vocaj jep detaje për atentatin ndaj kryepolicit

I ftuar në emisionin “Opinion” në TV Klan, drejtori i Policisë Kriminale në Policinë e Shtetit Tonin Vocaj, ka folur edhe për atentatin ndaj shefit të Policisë Bashkiake M Madhe Mentor Hasanaj.

“Pretendojmë se kemi siguruar prova shkencore që provojnë se Ilirjan Hasanaj ka qenë autor i ngjarjes. Deri tani nuk kemi një pistë për ngjarjen, por po hetohet për një konflikt të vjetër pronësie.

I plagosuri dhe atentatori, kanë të njëjtin mbiemër, por nuk kanë lidhje kushërinie mes tyre. Ekspertët më të mirë të policisë shkencore i janë atashuar policisë vendore dhe po punohet për identifikimin e bashkëpunëtorit të 19 vjeçarit”, ka sqaruar Vocaj.

Vocaj ka dhënë informacione edhe për ngjarjen tjetër, atë të zhdukjes së të rinjve në Malësi të Madhe, të cilët më pas u gjetën të ekzekutuar  nga policia.

Gazetari Simon Shkreli, ka thënë se ka informacione se autori i dyshuar Danjel Pepaj, nuk është larguar drejt Malit të Zi. Celularët e dy viktimave, Klement Pepaj dhe Vilson Çutaj, janë gjurmuar në Vrrith dhe në Razëm në orarin 16.00- 17.00 të ditës së diel. /ShkodraWeb Media/