PD kerkese per heqjen e imunitetit te deputetit qe vrau kalimtarin ne aksident, ka probleme ne Itali

Partia Demokratike i është drejtuar me një kërkesë Komisionit Qendror të Zgjedhjeve për deputetin e PDIU, Aqif Rakipi. PD kërkon t’i hiqet mandati deputetit Rakipi, me pretendimin se është me rekorde kriminale në Itali.

“Nga të dhëna të bëra me dije në rrugë informate, eksiton dyshimi i arsyeshëm se subjekti Aqfi Rakipi ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak të rekordeve kriminale në shtetin italian”, thuhet ndër të tjera në kërkesën e PD.

Kërkesa është firmosur nga 37 deputetë të Partisë Demokratike. Mes firmëtarëve është edhe kryetari i PD, Lulzim Basha, nënkryetari Edmond Spaho, Bylykbashi, etj.