Policia e Shkodrës ka dhënë detaje të reja në lidhje me arrestimin e Ilirjan Hasanajt, 19-vjeçarit që qëlloi ndaj shefit të policisë bashkiake në Malësinë e Madhe, i cili u vetëdorëzua ditën e djeshme në polici.Policia dyshon se në këtë ngjarje mund të ketë të tjerë persona të përfshirë ndaj po vijon sërish hetimet.
Ndërkohë i riu ka dëshmuar se e ka qëlluar Hasanajn pasi ishte në efektin e alkoolit e se nuk ishte i vetëdijshëm për veprimin që po kryente. Më tej ai shpjegon se e kishte parë në rrugë duke kaluar dhe iu ishte vënë pas duke e qëlluar më pas. Mirëpo 19-vjeçari shpjegon se arsyeja e plagosjes lidhet dhe me faktin se mes tyre ka pasur një konflikt pronësie të cilin e ka dëgjuar nga i ati. Përpara policisë ai ka dhënë se e ka qëlluar Mentor Hasanaj në mënyrë të pavetëdishme dhe ishte nën efektin e alkoolit. Sipas tij arsye ka qenë për një problem pronësie.
“Unë e kam qëlluar shtetasin Mentor Hasanaj, por e kam bërë pa paramendim. Nuk kam qenë i parapërgatitur për nje gje te tille. Thjeshte e kam pare duke kaluar ne rruge dhe i jam vene mbrapa. Armen e kam patur me vete sepse ka pasur disa kohe qe e kisha dhe nuk eshte se e kam marre ate dite, me ka qelluar me vete. I jam vene mbrapa dhe e kam qelluar por ne ato momente kam qene disi nen ndikimin e alkoolit. Thjeshte e kam pare rastesisht teksa kalonte me makine dhe e kam ndjekur ne ate moment.
Arsyeja e plagosjes lidhet me nje problem pronesie tonen. Eshte nje konflikt i vjeter pronesie mes nesh dhe une kete histori e kam degjuar nga babai dhe kur e kam pare ne ate moment duke qene edhe i alkoolizuar e kam ndjekur dhe e kam qelluar por nuk kam pasur nje plan te pergatitur. Duke qene drejtor me erdhi ne mendje se mund te na pengonte tek pronesia por çdo gje ka qene ne ate moment. Ndersa kusheriri im nuk ka patur asnje ide se çfare kam bere une por thjeshte e kam thirrur duke i thene qe te me merrte sepse kisha nevoje por pa i treguar arsyen. Ai nuk ka qene aspak ne dijeni te plagosjes.
Une jam penduar maksimalisht per çfare kam bere dhe per kete fakt edhe jam vetedorezuar ne polici. Fillimisht kam qene i tronditur dhe kisha frike por tani e kam kuptuar dhe jam shume shume i penduar ndaj kam ardhur qe ta pranoj çfare kam bere”, ka thënë 19-vjeçari.
Ai përjashton përfshirjen e kushëririt në këtë histori. Ndërsa thotë se është penduar për ngjarjen.
“Ndërsa kushëriri im nuk ka patur asnjë ide se çfarë kam bere unë, por thjesht e kam thirrur duke i thëne qe te me merrte sepse kisha nevoje por pa i treguar arsyen. Ai nuk ka qene aspak ne dijeni te plagosjes. Unë jam penduar maksimalisht për çfarë kam bere dhe për ketë fakt edhe jam vetdorëzuar ne polici. Fillimisht kam qene i tronditur dhe kisha frike, por tani e kam kuptuar dhe jam shume i penduar ndaj kam ardhur qe ta pranoj çfarë kam bere”, ka thënë ai.
Ngjarja e rëndë ndodhi mesditën e 11 tetorit në Shkodër, ku 19-vjeçari Ilirjan Hasanaj iu afrua mjetit të shefit të Policisë Bashkiake, Mentor Hasanaj dhe shtiu 7 herë me armë zjarri. Nga sulmi me armë zjarri mbetën të plagosur shefi i Policisë dhe babai i tij 74-vjeçar, Xhelali. Bashkë me ta në makinë ka qënë edhe bashkëshortja e shefit, Vjollca Hasanaj 28-vjeç, por kjo e fundit nuk u plagos. 19-vjeçari është vetëdorëzuar ditën e djeshme në polici, ndërsa dëshminë për ngjarjen e plotë e ka dhënë sot. /Dosja.al/
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
