![](https://www.shkodraweb.com/wp-content/uploads/2022/04/berisha-konference-2022.jpeg?x28643)
Sali Berisha zbuloi këtë të premte planin e Komsionit të Rithemlimit për ristrukturimin e Partisë Demokratike.
Gjatë një konference për media nga selia blu, Berisha deklaroi se në Kuvendin e 30 prillit do të zgjidhet Këshilli Kombëtar dhe Kryesia e partisë, por jo kryetari që do e drejtojë.
Sipas tij zgjedhja e kryetarit do të jetë në një kohë të mëvonshme, por jo shumë të largët, dhe deri në atë moment partia do të drejtohet nga Kryesia e zgjedhur.
Pyetje: Na ndajnë pak më shumë se 20 ditë nga Kuvendi Kombëtar i 30 prillit. Pas 30 prillit Partia Demokratike do të drejtohet nga një organ kolegjial si Komisioni i Rithemelimit apo do të vijohet me zgjedhjen e një kryetari?
Sali Berisha: Nuk besoj se do vazhdoj me Komisionin e Rithemelimit, por do zgjidhet Këshilli Kombëtar, i cili do zgjedh Kryesinë. Do të jetë Kryesia ajo që më pas do të drejtojë deri në zgjedhjen e kryetarit.
Kryetari do zgjidhet fill mbrapa, nuk do jetë kohë e vonshme, por do zgjidhet Kryesia më përpara.