“Më keni arrestuar kot…”, 30 vjeçari i dyshuar si autor i ekzekutimit të 47 vjeçarit në Grudë të Re të Shkodrës, mohon akuzat para hetuesve…

Janë zbardhur dëshmitë e para të 30-vjeçarit Eduart Kësolla, i arrestuar të hënën si autori i dyshuar i vrasjes për gjakmarrje të 47-vjeçarit Prekë Tonaj.

I arrestuari mësohet se e ka mohuar akuzën e ngritur ndaj tij para uniformave blu që e kanë marrë në pyetje.

“Më keni arrestuar kot, nuk e kam vrarë unë Preke Tonajn!”, mëson Panorama të jetë shprehur Kësolla para hetuesve.

Policia pas arrestimit bëri me dije se “bazuar në provat e grumbulluara dhe informacionet e siguruara në rrugë operative, është bërë kapja dhe arrestimi në flagrancë i shtetasit Eduart Kësolla, 30 vjeç, lindur në Nicaj, Shosh dhe banues në fshatin Grudë e Re.

Arrestimi i tij u bë për veprën penale “Vrasja për gjakmarrje”, pasi nga tërësia e veprimeve hetimore të kryera dyshohet si autor i vrasjes së 47-vjeçarit Prekë Tonaj, për motive gjakmarrjeje”.