Sot pas mesnate në stadiumin “T-Mobile Arena” të Las Vegasit, do të zhvillohet dueli i madh i boksit mes Floyd Mayweather dhe Conor McGregor, një përballje e konsideruar si “sfida më e madhe e historisë së sporteve luftarake”.
Përballë njëri-tjetrit do të jenë boksieri i pamposhtur Floyd Mayweather (49 fitore e asnjë humbje) dhe ikona e UFC-së, Conor McGregor, i vetmi që ka fituar dy tituj kampion bote në artet marciale mikse.
Kjo sfidë ndryshe quhet dhe “Money fight” (ndeshja e parave) pasi të dy boksierët do të fitojnë miliona nga kjo ndeshje. Floyd Mayweather ka të siguruar fitimin prej 100 milionë dollarësh nga dueli i sotëm ndërsa për irlandezin fitimi është i ulët në krahasim me amerikanin. Sipas të përditshmesn britanike “Thë Mirror” sportisti i arteve marciale mikse do të çojë në shtëpi të paktën 30 milionë dollarë./balkanweb/