Lirohet anija e rrembyer ne Libi, rebelet u paguan 34 mije dollare per jeten e marinareve shqiptare

Pronari i anijes shqiptare të bllokuar në Libi para 35  ditësh, Eduart Skora ka thënë se anija “Envi 1” është liruar para dy orësh. Pronari thotë se për lirimin e anijës janë paguar 34 mijë dollare tek rebelët të cilët e kishin marrë peng teksa lundronte në ujërat libiane. Anija në fjalë është ndaluar me akuzën e transportit të paligjshëm të mallrave nga autoritetet e Libisë dhe më pas është bllokuar nga rebelët të cilët e kanë mbushur me klandestinë, por më pas është zbrazur dhe është kërkuar një shumë monetare për lirimin e saj.
Eduart Skora shprehet se, “anija po vjen drejt Durrësit për të sjellë marinarët në shtëpi dhe për tu pajisur me mjetet e nevojshme, pasi është plaçkitur nga rebelët gjatë kohës që ka qenë e bllokuar”. /shqiptarja.com/